أشعار جميلة

ماكنت قايل انا يوم بلاقي الحب.. ولا بكشف دروبو

ولا قلبي من شدة إباهو بتقدر الأشواق تذيبو

لكن غرامك حبة حبة.. سباني بنارو ولهيبو

وسرقت قلبي ياحبيبي

تاني كيف منك أجيبو

وإنت ياناكر غرامو

قلبي ما بتسمع كلامو

ودون سبب يرضيك خصامو ولوعة العشاق تصيبو

تنساني يا ظالم.. وقلبي معاك .. ومفتكرك حبيبو؟

حاولت أخدع نفسي ياظالم وأهجر حبي ليك

حاولت أمنع نفسي منك وتاني ما أمشي وأجيك

ورحلت عنك وعن دياري.. هدمت كل آمل لديك

وبرضي ما قادر أسيبك لما أنساك بشتهيك

بشتهيك مع كل دفقاتي الحنينة

وكل دمعة شوق سجينة

تهاتي بيك روحي الحزينة

وأشقى لما تهاتي بيك

وأتعذب لما تهاتي بيك

وريني كيف أغفر وإنت هدمت كل آمالي فيك

لو كنت ناكر للهوى زيك كنت غفرت ليك

كل العذاب العشتو في حبك.. وكل حقي العليك

لكني عايش للهوى وكل يوم أترجى فيك


وريني كيف لأغفر.. وإنت شقاي سببتو بإيديك؟